KUALA LUMPUR – Nakopo ng Team Philippines ang unang silver sa 29th Southeast Asian Games sa Men’s Chinlone Event 3 ng sepak takraw nitong Miyerkules sa Titiwangsa Stadium sa Malaysia.
Nakatipon ang Pinoy takraw netters ng kabuuang 271 puntos para semegunda sa host Malaysian na humakot ng kabuuang 391 puntos.
Umusad sa championship round ang Malaysia at Philippines tangan ang 376 at 293 puntos, ayon sa pagkakasunod matapos ang preliminary round. Pangatlo ang Brunei na may 157 puntos.
