Ni: Reggee Bonoan
FOLLOW-UP ito sa sinulat naming civil wedding nina Dra. Vicki Belo at Hayden Kho nitong Biyernes ng tanghali officiated by Makati City Mayor Abby Binay.
Sinulat namin kahapon na wala sa event ang magkapatid na Quark Henares at Cristalle Henares-Pitt base na rin sa mga litratong ipinost ni Dra. Vicki sa Instagram.
Classic movie ‘Ipaglaban Mo!’, ipinalabas ng CCP bilang kampanya vs VAWC
Binanggit din namin ang reply sa amin ni Direk Quark nang i-text namin na nasa Amerika siya ilang minuto pagkatapos ng kasal ng mommy niya kay Hayden.
Heto na, nagulat kami kahapon ng madaling araw (2 AM) nang mabasa namin ang post ni Direk Quark sa Facebook account niya na, “Dear people with children: If you ever get married again be sure to give the kids a heads up, lest they find out via reporters calling them in the middle of the night.”
Kaagad naming chinat si Direk Quark para humingi ng dispensa dahil kami ang tinutukoy niyang tumawag sa kanya bandang hatinggabi (sa U.S.; hapon dito sa ‘Pinas) at dahil sumagot siya ay inisip namin na okay lang sa kanya na makipag-usap.
Sinagot niya kami ng, “Uy, no problem at all ha, I’m actually thankful you told me.”
Sa madaling sabi, hindi nga talaga alam ni Direk Quark, pero aniya’y wala naman siyang tutol sa pagpapakasal ng ina kay Hayden dahil alam naman daw niyang ikakasal sila ngayong taon.
“It’s not like I’ll stop it or anything, alam ko namang magpapakasal sila,” sabi ni Direk Quark.
Maging ang kapatid niyang si Cristalle Henares-Pitt ay wala ring alam sa naganap na kasalan.
Anyway, kasalukuyang nasa San Francisco, USA si Direk Quark pero hindi na niya nabanggit kung ano ang lakad niya o kung may kinalaman ito sa trabaho niyang bilang head ng Globe Studios.
As of press time ay wala na sa FB page ni Direk Quark ang post niya tungkol sa ginanap na kasalan at tinanong namin kung tinanggal niya, “Yeah I did, he, he.”
Nagkausap na siguro ang mag-inang Quark at Dra. Vicki.
