TARLAC CITY – Nalambat ang dalawang katao na nahuli sa aktong bumabatak sa Block 3, Barangay San Vicente, Tarlac City, kamakalawa ng hapon.
Kinilala ang mga inaresto na sina Albert Jurado, 58, at Rhexell Gatchalian, 23, kapwa ng San Vicente.
Base sa report, nagpapatrulya si Inspector Wilhelmino Alcantara at ang iba pang intelligence operatives sa nasabing lugar nang masilayan nila ang mga suspek.
Nakarekober ang mga awtoridad ng dalawang pakete na naglalaman ng 0.248 gramo ng hinihinalang shabu, apat na pirasong aluminum foil, glass tooter, dalawang gunting at tatlong disposable lighter.
Dating barangay captain sa Catanduanes, dinukot at pinagnakawan ng kalalakihan
Ang mga narekober na ebidensiya ay kinumpirma nina Barangay Kagawad Marcelino Cabarios at Jose Santos at kasalukuyang sinusuri sa Tarlac Provincial Crime Laboratory Office, Camp Macabulos. (Leandro Alborote)
