ANG ganda ng ipinost na IG story ni Jennylyn Mercado dahil ipinakitang magkasama sa photo sina Dennis Trillo at anak niyang si Jazz.

Makikitang kuha ang picture sa bahay ng aktres, magkaharap sina Dennis at Jazz. Parang nasa harap ng organ ang aktor at nakikinig sa tinutugtog niya si Jazz.

Hindi ito ang first time na nakitang magkasama sina Dennis at Jazz dahil marami nang family event on both side na nakakasama ni Dennis si Jazz. Ang pinakahuli ay sa surprise birthday party na ibinigay ni Jennylyn kay Dennis at ginawa sa bahay ng aktres.

Classic movie ‘Ipaglaban Mo!’, ipinalabas ng CCP bilang kampanya vs VAWC

Sa mga lumabas na photos, kumpleto ang pamilya nina Dennis at Jennylyn at present din si Calix, ang anak naman ni Dennis.

Nabanggit minsan ni Dennis na madalas mag-bonding sina Calix at Jazz at friends ang dalawang bata.

Kaya wala nang magiging problema sina Dennis at Jennylyn sa kani-kanyang anak ‘pag ginusto na nilang magpakasal o lumagay sa tahimik dahil magkaibigan ang dalawang bagets. Magiging happy family sila.

Samantala, pagkatapos ng successful pilot ng Mulawin vs Ravena na pinagbibidahan ni Dennis Trillo, ang sunod na aabangan ay ang pilot ng My Love From The Star nina Jennylyn at Gil Cuerva sa May 29.

Aliw ang trailer na napapanood at natatawa na agad ang viewers kay Jennylyn. Ang husay talaga ni Jen sa rom-com, may tumatawag nga sa kanyang Jennifer Aniston of the Philippines.