Hindi makakalahok sina national pool members Myla Pablo at Elaine Kasilag sa idaraos na Clash of Heroes, isang fund-raising event kung saan maglalaban ang mga miyembro ng training pool, bukas sa Fil Oil Flying V Center sa San Juan.
Sa isang press statement na inisyu ni Pocari Sweat Lady Warriors team manager Atty. Eric Ty, inanunsiyo ang dahilan ng dalawang manlalaro kung bakit hindi sila makakalahok sa event na magsisilbing final tryout para sa national team na isasabak sa darating na Southeast Asian Games.
“I regret to inform you that Myla Pablo and Elaine Kasilag will not be able to participate in the Clash of Heroes,” nakasaad sa statement.
ALAMIN: Mga dapat mong malaman tungkol kay Jose Rizal
Ayon kay Ty, kapwa may iniindang injury ang dalawang Lady Warriors spikers.
“Both of our heroines are dealing with various injuries and as a precaution, we want them to have as much rest as possible in preparation for our game on Tuesday,” ayon pa kay Ty.
Sinabi pa ng Pocari Sweat official, sana ay nasabihan sila nang maaga ng organizers tungkol sa all-star event.
“I wish that the organizers of the event took the time to formally inform us of their intention to have our players participate in their event so I could have requested the PVL to reschedule our game on the 16th to give way to the Clash of Heroes,” dagdag ni Ty.
Umaasa si Ty na hindi mangangahulugan ng pagtanggal sa national pool ang hindi paglahok nina Pablo at Kasilag sa event.
“Our volleyball club leaves it to the sound discretion of the organizers if they wish to remove both Ms. Pablo and Ms. Kasilag from the national team pool because of their commitments to the Pocari Sweat Lady Warriors.”
“At all events, we reassure our fans that we fully support both Myla and Elaine in their dreams of making it to the national team,” pagtatapos ng statement ni Ty. (Marivic Awitan)
