PINASALAMATAN ni Atty. Joji Alonso si Kris Aquino na sa Quantum Post na pagmamay-ari niya ipinagkatiwala ang “audition reel” na ipinadala nito sa Amerika para sa foreign movie na gagawin nito sa Hollywood.
Tuwang-tuwa si Atty. Joji na ang post-production company niya ang pinili ni Kris.
“Congatulations to Kris Aquino for bagging a role in a movie which will be produced by a renowned Hollywood studio, the details of which, she will announce soon, after she signs her contract ni Los Angeles,” bahagi ng post ni Atty. Joji sa kanyang Facebook account.
ALAMIN: Ano nga ba ang EBET Law na pinirmahan ni PBBM
Matandaang lumipad si Kris papuntang Los Angeles last Sunday night at kinabukasan ay pumirma na ng kontrata.
Kinumpirma ito ni Kris sa pamamagitan ng post niya sa Instagram.
Samantala, binati rin ni Atty. Joji ang buong Quantum Post sa pagiging maagap at nagawang tapusin ang “audition reel” ni Kirs kahit napakalimitado ng panahong ibinigay sa kanila. Itinuturing nilang naging bahagi sila ng tagumpay ni Kris Aquino. Kasama sa Quantum Post team sina Carlo Francisco Manatad, Timmy Torres, at Nardre Torres. (JIMI ESCALA)
