NAKITA namin sa SM Megamall last Tuesday ang magdyowang Paolo Barretto at Ryza Cenon.
Ang ganda-ganda ni Ryza kahit slight lang ang make-up at biniro namin kung bakit hindi siya kasama nina Sunshine Dizon, Mike Tan, Marco Alcaraz at Gabby Concepcion na nag-taping ng Ika-6 Na Utos sa Singapore.
“Hindi ako pinapasok,” sagot niya.
Sa istorya, hahabol sana sa airport si Georgia (Ryza) kay Rome (Gabby) na susundan si Emma (Sunshine) sa Singapore.
Sinong may pagkukulang? LET examinee emosyunal, hindi nakakuha ng exam dahil na-late
Dahil walang passport at walang maipakitang tiket sa guwardya, hindi pinapasok sa airport si Ryza.
Ang daming viewers ng Ika-6 Na Utos na muhing-muhi kay Ryza kaya hindi siya mawalan ng bashers social media account niya. Hindi na lang binabasa ni Ryza ang bashings at hate comments para hindi siya ma-stress. Lagi lang niyang ipinapaalala na ginagawa lang niya ang kanyang trabaho at sinusunod ang nakasaad sa script at ang utos ni Direk Laurice Guillen. (Nitz Miralles)
