MUKHANG maayos pa rin ang samahan ni Scarlett Johansson at ng dating asawang si Romain Dauriac sa kabila ng hiwalayan nila kamakailan.
Namataan ang 32-anyos na aktres kasama ang dating asawa sa Singular Object Art Opening cocktail reception sa 53W53 Gallery sa New York City nitong Miyerkules.
Parehong nakasuot ng itim na outfit sina Johansson at Dauriac at nagpakuha ng litrato na magkasama.
Classic movie ‘Ipaglaban Mo!’, ipinalabas ng CCP bilang kampanya vs VAWC
Nagsampa ng diborsiyo ang Ghost in the Shell star mula kay Dauriac nitong nakaraang buwan. Ikinasal sila noong 2014 at may anak na tatlong taong gulang, si Rose.
“As a devoted mother and private person and with complete awareness that my daughter will one day be old enough to read the news about herself, I would only like to say that I will never, ever be commenting on the dissolution of my marriage,” saad ni Johannson sa kanyang pahayag sa ET. “Out of respect for my desires as a parent and out of respect for all working moms, it is with kindness that I ask other parties involved and the media to do the same. Thank you.”
Sinundan din ito ng sariling pahayag ni Dauriac sa ET, na hinimok si Scarlett na panatilihing pribado ang kanilang diborsiyo.
“It is indeed unfortunate, especially for our daughter, that Scarlett filed in court and made our personal differences so public,” sabi ng French journalist. “I would implore her to withdraw her action promptly and to go back, as uncomfortable as it might be, to the negotiating table.” (ET Online)
