Ni NITZ MIRALLES
Kaya lang, kailangan din ng pahinga sa taping ang cast lalo na sina Gabby Concepcion, Ryza Cenon at Sunshine Dizon. Four times a week na sila nagti-taping at dahil magho-Holy Week na, baka mag-advance taping pa sila.
Masaya si Ryza na six times a week na ang airing ng show nila dahil dagdag taping at ibig sabihin, dagdag talent fee rin. Ang kapalit nga lang ay pagod siya.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Kapag natatapos ang mga matitinding eksena, ang feeling ko drain na drain ako. Minsan, numb ako, may anxiety attack at hindi ako makahinga nang maayos. Minsan, nadadala ko sa bahay ang pagiging Georgia ko at konting bagay lang, nagagalit ako. Pati nga si Cholo(Pocholo Barretto, her boyfriend), inaaway ko minsan. Sasabihin na lang niya bumitaw ka na, alisin mo na si Georgia,” natatawang kuwento ni Ryza.
Ang kapalit naman ng mga nararamdaman niya ay satisfaction dahil sa magandang feedback sa acting niya na nagagalit ang mga tao. Pati sa social media, inaaway siya at pinagbabantaan.
“Sa isang mall show, natakot ako sa isang babae. Lumapit siya, nagpa-picture at nagpapirma. ‘Tapos, bumulong na gusto niya akong sampalin sa inis niya sa karakter ko. Mabuti naman at hindi niya ginawa,” kuwento ni Ryza.
Wala pang sinasabi ang mga taga-production kung kailan magtatapos ang Ika-6 Na Utos, kaya tuluy-tuloy lang ang pagsubaybay.
