NAGMUMUKHANG stage mother si Sunshine Cruz sa panganay na anak na si Angelina Cruz na unti-unti na ring pumapalaot sa showbiz.
Sa guesting ni Angelina sa Tonight With Boy Abunda ay si Sunshine ang kinakabahan sa mga isasagot ng kanyang dalagita. Pero may tiwala naman daw siya sa anak niya at knows niyang matalino ito.
Hindi naman pala talaga dapat kabahan si Sunshine dahil diretsong nasagot ng bagets ang mga katanungan ni Kuya Boy.
BALITAnaw: Ang dalawang babaeng naging pangulo ng Pilipinas
Para ngang matagal na siya sa showbiz kahit sa totoo lang ay iyon ang kauna-unahang pagkakataon na sumalang sa interbyu si Angelina sa national TV—sa pinakasikat pang talk show, at live!
Binanggit ni Angelina na ayaw niyang pakawalan ang dumating na oportunidad sa kanya ngayon dahil maaaring ito na ang simula ng katuparan ng pangarap niyang maging kilalang showbiz personality na kagaya ng kanyang ina.
“Actually, I want to follow my mom’s footsteps. Sino pa ba ang gusto kong maging kundi ang mahal kong mommy,” sey ng bagong recording artist ng Universal Records na mina-manage ni Arnold Vegafria.
Ilang beses na naming napakinggan ang rendition ni Angelina sa Can’t Help Falling In Love na hindi nakakasawa at sa palagay namin ay ito na nga ang pasaporte niya para maging sikat na recording artist siya. Available na online ang awitin niyang ito.
Inamin ni Angelina na malaking bentahe sa kanya ang pagiging anak niya nina Cesar Montano at Sunshine Cruz pero dahil dito ay napi-pressure din siya.
“It feels exciting but pressuring because knowing that you’re monitored especially sa social media. So my mom always tells me to think before I post anything,” sey ng dalagita. (JIMI ESCALA)
