MAPAPANOOD na ang sunud-sunod na pasabog na rebelasyon sa Kapamilya afternoon series na The Greatest Love sa pagsisiwalat ni Gloria (Sylvia Sanchez) ng kanyang madilim na nakaraan na gugulantang sa kanyang mga anak.
Sa lalong paglubha ng kanyang sakit, hindi na napigilang sabihin ni Gloria ang muntikan niyang pagpapalaglag sa anak na si Amanda (Dimples Romana), na lubos na nagdulot ng hinagpis at galit sa puso nito. Ngunit mabubunyag ang mas malaking sekretong matagal na niyang itinago mula sa kanyang mga anak -- ang panggagahasa at pang-aabusong ginawa ng kanilang amang si Andres sa kanilang ina.
Paano nga ba tatanggapin ni Amanda ang katotohanan? Lalo kayang magkagulo ang kanilang pamilya sa paglabas ng sekretong ito?
Classic movie ‘Ipaglaban Mo!’, ipinalabas ng CCP bilang kampanya vs VAWC
Samantala, maaari nang mapanood ng ABS-CBN TVplus subscribers ang past episodes ng The Greatest Love tuwing weekend.
Mag-register linggu-linggo at ulit-ulitin ang hindi napanood na episodes ng serye nang walang commercial breaks sa KBO.
Panoorin ang hindi malilimutang kuwento tungkol sa pambihirang pagmamahal ng ina para sa kanyang mga anak sa The Greatest Love, tuwing hapon pagkatapos ng The Better Half sa ABS-CBN or sa ABS-CBN HD (SkyCable ch 167). Panoorin ang past episodes ng programa sa iWant TV o sa skyondemand.com.ph para sa Sky subscribers. Para sa updates, i-like angwww.facebook.com/thegreatestlovetv.
