Mga Laro Ngayon
(Moro Lorenzo Field)
2 n.h. -- AdU vs UST
4 n.h. -- FEU vs DLSU
6 koponan nagbabalak ligwakin ang PVL; lilipat daw sa bagong liga?
TARGET ng Far Eastern University na makopo ang solong kapit sa No.2 kontra sa dumadausdos na De La Salle ngayon sa UAAP Season 79 men's football tournament sa Moro Lorenzo Field.
Isa sa dalawang koponan na may malinis na karta, itataya ng Tamaraws ang malinis na karta laban sa Archers ganap na 4:00 ng hapon.
Tangan ang siyam na puntos, nakabuntot ang FEU sa Ateneo (15) at University of the Philippines (10).
Magtutuos naman ang Adamson University at University of Santo Tomas sa unang laro sa 2:00 ng hapon.
Naitala ang Falcons ang malaking panalo nitong weekend nang silatin ang Archers, 1-0, mula sa goal ni Ejike Ugwoke sa ika-58 minuto ng laro.
Tumatag ang Tamaraws sa pangunguna nina Rico Andes, Val Jurao at Audie Menzi para maitarak ang 1-0 panalo kontra National University nitong Sabado. (Marivic Awitan)
