NAPILI na ang best of the best housemates ni Kuya mula sa tatlong magkakaibang edisyon para buuin ang kauna-unahang Dream Team ng Pinoy Big Brother Lucky Season 7.

Nitong nakaraang Biyernes, napasahan ng suwerte ng Lucky 7 teen housemates ang regular housemate na si Jerome Alacre para maging ikatlong Lucky House ni Kuya at sasama sa nauna nang napili na Lucky Houses na sina Tanner Mata at Aura Azarcon.

Nakakuha si Jerome ng tatlo mula sa pitong boto ng teens na ibinase ang pagpili kung paano hinarap ni Jerome at ng natitira pang kasamang sina Cora Waddell, Baninay Bautista, at Wil Dasovich ang White Room task at kung paano nila sinagot ang matetensiyong mga tanong sa harapang Q and A.

ALAMIN: Ano nga ba ang EBET Law na pinirmahan ni PBBM

Ngayong kumpleto na ang Dream Team, isa na namang exciting na kuwento sa loob ng Bahay ni Kuya ang dapat na namang pakaabangan sa pagsasama-sama ng tatlong Lucky Houses mula sa regular edition na sina Tanner, Aura, at Jerome; Lucky Suns mula sa teen edition na sina Edward Barber, Kisses Delavin at Maymay Entrata; at Lucky Stars mula sa celebrity edition na sina Jinri Park, two-in-one housemates na sina McCoy De Leon at Nikko Natividad ng Hashtags, at si Nonong Ballinan sa susunod na mga linggo.

Anong mga hamon kaya ang haharapin ng Dream Team? Anong mga pasabog na twist ang inihanda ni Kuya na lalong magpapatindi sa kumpetisyon?

Ang Pinoy Big Brother ay tinaguriang ‘teleserye ng totoong buhay’ dahil sinasalamin nito ang bawat Pilipino sa pamamagitan ng makukulay na kuwento ng housemates. Para subukin ang kanilang pagpapakatotoo, nagbibigay si Kuya ng iba’t ibang tasks o hamon na tiyak magpapatatag at magpapabuti sa kanila bilang indibiduwal sa bandang huli at kapupulutan naman ng aral at inspirasyon ng mga manonood.

Napapanood ang Pinoy Big Brother Lucky Season 7 simula Lunes hanggang Biyernes pagkatapos ng Till I Met You sa ABS-CBN o sa ABS-CBN HD (SkyCable ch 167). Puwede ring mapanood ang past episodes ng palabas sa iWanTV.com o sa skyondemand.com.ph para sa Sky subscribers.