NAGBIGAY na pahayag si John Lloyd Cruz tungkol sa similarities nila ni Joshua Garcia na laman ngayon ng napakaraming write-ups at obserbasyon ng moviegoers na ipino-post sa social media.
Isa si Joshua sa mga bida sa MMFF entry na Vince & Kath & James at dito napansin ang kahusayan niya sa aktingan, gaya ng kanyang idolong si John Lloyd. Bagamat malayo ang edad ng dalawa, marami ang nakakapansin na bukod sa pag-arte at hitsura, magkaboses pa sila.
Positive ang reaction ni Lloydie sa comparison sa kanila ng teen actor.
ALAMIN: Mga inisyatibo ng NCCA sa pagpapakilala ng kultura ng mga katutubo
“You know, Joshua is his own person, his own artist, his own talent, so walang magkakapabago nu’n. Joshua will become his own name, and Joshua will make a mark in this industry sa sarili niyang effort, sarili niyang paghihirap, sa sarili niyang pagmamahal sa ginagawa niya,” may malasakit at encouragement na wika ni John Lloyd.
Bago pa man nabigyan ng malaking break, inamin na ni Joshua ang malaking paghanga niya kay John Lloyd.
“We have to give it to the guy, labas po tayo diyan, definitely labas ako,” sabi ni Lloydie. “But maybe I serve some kind of inspiration, and I appreciate that.”
Bilang inspirasyon ni Joshua, ang masasabi niya sa young actor:
“Sa tingin ko, ang papel ko is to encourage Joshua to become his own,” sey ni Loydie.
Kasama si Joshua sa top-rater afternoon teleserye na The Greatest Love ng ABS-CBN.
