NABIGO man si Lindsay Lohan sa ilang pagtatangkang makabalik sa Hollywood nitong mga nakaraang taon, may panibago pa rin naman siyang pinagkakaabahalan. Sa halip na ituon ang pansin sa Hollywood, nakapokus ngayon si Lohan sa Turkey.
“I am deciding now if I will head back to do more work in refugee camps in Turkey and Antep during or after the New Year,” pagbubunyag niya sa Page Six kamakailan. “The dates are not set yet. It depends on how Turkey feels after the recent terrorist attack in Istanbul. Not that any attack has or will ever stop me from helping those suffering, those who need our help the most.”
Sa kabila ng kaguluhan sa kanyang personal na buhay – kabilang ang muntik nang pagkaputol ng kanyang daliri sa isang boating accident hanggang sa sigalot sa kanyang dating fiancé – mukha namang taos-puso ang pagpapalaganap ni Lohan ng mensahe ng kapayapaan sa mga taong nangangailangan.
ALAMIN: 10 bansang hindi nagdiriwang ng Pasko
“Sending love, light, peace and hope to all of those suffering today,” caption niya sa kanyang post sa Instagram.
“Before you sleep tonight, consider praying for someone you’ve never met and needs a guiding light.”
Nakapaglaan na ng panahon si Lohan sa Turkey nitong taglagas, at idinokumento ang kanyang mga pagsisikap sa social media.
“I met a wonderful aid worker (Azize) at the Refugee Camp in Antep,” saad niya sa larawan katabi ang isang babae sa Instagram.
“She saw that my eyes lit up when I told her that her headscarf is beautiful. She waved to me and said, Come with me; I followed her and she gifted it to me. I was so moved and touched by this that I wanted to wear it in appreciation for all of the generosity and love I received from everyone at the camp.”
Napansin din sa larawan na hindi suot ni Lohan ang kanyang engagement ring mula kay Ego Tarabasov, bagamat nakabalot ng red tape ang kanyang ring finger, na dulot marahil ng nabanggit na boating accident.
Nang huling magkomento si Lohan hinggil sa kanyang relasyon kay Tarabasov, tila sinasabi niya na tapos na sila. “I realize now you can’t stay in a relationship just for love,” aniya. “No woman can be hit and stay with that person if that person isn’t prepared to say sorry.” (Yahoo Celebrity)
