HINDI nagpaapekto si Cesar Montano sa mga batikos na kaya lang siya na-appoint ni President Rody Duterte bilang COO of the Tourism Promotions Board dahil tumulong siya sa kampanya nito.
Lalong uminit ang mga intriga sa pagkaka-appoint kay Cesar dahil sa pahayag ni DOT Secretary Wanda Tulfo-Teo na hindi nito gusto ang aktor sa nasabing posisyon, wala lang itong magawa dahil in-appoint ni Pres. Duterte at kailangang sundin.
Sa isang interview, sabi ni Cesar, hindi siya ia-appoint ni Pres. Duterte kung walang nakitang kakayahan niya sa magiging trabaho.
ALAMIN: Pagbibigay ng 13th month pay sa mga empleyado, paano nagsimula?
“Hindi naman siguro ako ia-appoint if ‘di niya nakitang competent ang isang tao. Probably, nakita niyang we’re be able to promote the entire country,” pahayag ni Cesar.
Ang department ni Cesar ang mamamahala sa pagpo-promote ng mga programang pangturismo ng Department of Tourism.
(Nitz Miralles)
