IBINENTA na ang bahay ng dating mag-asawang sina Brad Pitt at Angelina Jolie sa French Quarter ng New Orleans.

Ayon sa dokumento ng Land Records Division ng Orleans Parish Clerk of court’s office, naibenta ang ari-arian ng $4.9 million.

Binili nina Pitt at Jolie ang tahanan noong 2007 pagkaraan ng Hurricane Katrina sa halagang $3.5 million. Ito ay binili ng nagdiborsiyong mag-asawa matapos itatag ni Pitt ang Make It Right Foundation para mapagtibay ang pagpapatayo ng mga bagong tahanan sa Lower 9th Ward sa New Orleans.

Ayon sa listing, ang tatlong palapag na 1830s mansion ay may sukat na 7,645 square feet, limang kuwarto, tatlong palikuran, at dalawang half-bath.

Kinumpirma ng listing agent na si Nina na naisara ang pagbebenta noong Biyernes. Aniya, “It sold for a very fair price. It’s a good deal for both parties. They’re happy with the outcome. (AP)