Helper patay, 2 sugatan sa glass panel

October 27, 2016

Nabagsakan at nalagutan ng hininga ang isang stay-in helper, habang sugatan naman ang dalawa niyang kasamahan, matapos mabagsakan ng mga glass panel na kanilang isinakay sa delivery truck sa Binondo, Maynila kamakalawa.

Hindi na umabot nang buhay sa Metropolitan Hospital si Gregorio Ygano, 50, binata, stay-in helper ng Eternal Industry Enterprises, na matatagpuan sa 917 Tetuan Street sa Binondo, dahil sa tinamong matinding pinsala sa katawan.

Samantala, kapwa sugatan at ginagamot sa Chinese General Hospital ang dalawa pang biktima na sina Wilbert Lascano, 38, at Leoben Manungsong, 19, kapwa helper ng PVC SDS Solution at mga residente ng Barangay Tabinay, Puerto Galera, Occidental Mindoro.

Sa ulat ni SPO2 Richard Escarlan, ng Manila Police District (MPD)-Crimes Against Persons Investigation Section (CAPIS), dakong 2:30 ng hapon nangyari ang aksidente habang tinatalian ng mga biktima ang mga glass panel na isinakay sa isang six wheeler Canter delivery truck, na may plakang KFE-559.

Ayon kay Lascano, naisakay na nila sa truck ang mga glass panel at itinatali na ang mga ito sa truck nang maputol ang tali at malaglag ang mga salamin at minalas na mabagsakan ang mga biktima. (Mary Ann Santiago)

Lacson, tila nagpatutsada sa ilang nag-file ng COC: 'The following are not disqualified...'

Usap-usapan ang tila pasaring na X post ng nag-aasam na makabalik sa senado na si dating senador at presidential candidate Panfilo 'Ping' Lacson patungkol sa ilang mga nag-file ng certificate of candidacy (COC) para sa 2025 midterm elections.Inisa-isa ni Lacson ang ilan sa mga hindi raw disqualified na makatakbo sa alinmang posisyon sa pamahalaan, batay na rin sa Saligang Batas ng...

Abalos, tiwala sa kakayahan ni bagong DILG Sec. Jonvic Remulla

Tiwala si dating DILG Secretary Benhur Abalos sa kakayahan ni bagong DILG Secretary Jonvic Remulla na kaya nitong magampanan ang tungkulin sa ahensya.Nitong Martes, Oktubre 8, pinangunahan ni Pangulong Bongbong Marcos, Jr. ang panunumpa ni Remulla bilang bagong kalihim ng Department of the Interior and Local Government (DILG).Papalitan ni Remulla si Abalos, na kakandidatong senador sa darating...

Willie, makikipag-away din daw sa senado: 'Para sa mahihirap!'

Tila handa rin umanong makisali ang ‘Wil To Win” host na si Wiliie Revillame sa gitna ng nangyayaring bangayan sa senado.Sa primetime newscast na “The Big Story” nitong Martes, Oktubre 8, sinabi ni Willie na naawa raw siya sa mga Pilipino nang makita ang tila walang katapusang away ng mga nasa senado at kongreso.“No’ng nakita ko ‘yong awayan nang awayan sa congress, awayan nang...