Isang pedicab driver ang masuwerteng nanalo sa karera ngunit minalas namang mapatay ng riding-in-tandem sa Sta. Mesa, Maynila, kamakalawa ng gabi.
Hindi na umabot nang buhay sa Our Lady of Lourdes Hospital si David Ivan Capili, 39, ng 4929 Int. 6 Valenzuela 2 Extension, V. Mapa, Sta. Mesa, Maynila sanhi ng tama ng bala sa katawan.
Sa pagsisiyasat ni PO3 Marlon San Pedro, ng Manila Police District (MPD)-Crimes Against Persons Investigation Section (CAPIS), sa harapan ng bahay ng biktima nangyari ang pamamaril, dakong 6:45 ng gabi.
Nabatid na papasok pa lamang ng gate ang biktima, matapos manalo sa karera, nang barilin ng mga suspek.
KILALANIN: Si Kingston Ralph Cheng, ang 23-anyos negosyanteng nasawi sa hit-and-run
Dati umanong gumagamit ng ilegal na droga ang biktima at sumuko sa “Oplan Tokhang” sa kanilang barangay.
(Mary Ann Santiago)
