Pinayagan ng International Criminal Court (ICC) ang apela ng kampo ni dating President Rodrigo Duterte na makapasok sa detention center at mabisita siya ng isang indibidwal.
Ayon sa inilabas na dokumento ng ICC sa Court records ni FPRRD na nakapetsa noong Hunyo 11, 2026, mababasang inihain ng kampo ng dating Pangulo ang kanilang apela noon daw Mayo 29 upang magkaroon ng baryasyon ang Hukuman sa kaniyang Contact Restrictions.
Sa naturang dokumento, “redacted” o hindi isinapubliko ng ICC ang pangalan at pagkakakilanlan ng naturang indibidwal na inaapela ng kampo ni FPRRD.
“On 29 May 2026, the Defence submitted the request for variation of contact restrictions (the ‘Request’), seeking the Chamber to order ‘a variation of the Contact Restrictions to permit contact between Mr Duterte and [REDACTED] and with such contact to be subjected to active monitoring consistent with the Pre-Trial Chamber’s direction,” anila.
Anang ICC, nagsumite raw ng obserbasyon ang Prosecution at Registry noong Hunyo 8 alinsunod sa utos ng Trial Chamber at nilinaw nilang hindi naman daw nakapagsumite ng obserbasyon ang Common Legal Representatives of Victim (CLRVs)
Atty. Taran ng KWF, panatag sa epekto ng AI data centers sa mga katutubong wika
“On 8 June 2026, pursuant to the Chamber’s order, the Prosecution and the Registry filed the observations. The Chamber notes that the Common Legal Representatives of Victims (the ‘CLRVs’) did not submit observations within the given time limit,” anila.
Diin ng ICC, hindi naman daw nila tatanggihan ang apela ng kampo ni FPRRD na mabisita ng isang partikular na indibidwal hanggang mananatili pa rin daw ang contact restrictions ng dating Pangulo.
Dagdag pa nila, hindi rin daw nag-apela ng pagbabawal ang Registry at Victims and Witnesses Unit (VWU) hanggang mananatili pa rin daw ang contact restrictions ni FPRRD.
Saad ng ICC, batay sa kanilang regulasyon, “entitled” o may karapatan ang nakadetinang indibidwal sa “inter alia” kung saan puwede silang tumanggap ng mga kasulatan, mail at packages, makipag-usap sa pamamagitan ng liham o telepono sa kanilang mga pamilya o ibang pang indibidwal, at mabisita.
“Moreover, the right to privacy and family life is an internationally recognised human rights principle and thus also guides the Chamber’s interpretation of the Court’s legal framework by virtue of Article 21(3) of the Statute,” ‘ika nila.
Giit naman nila, hindi daw mananatiling konkreto ang karapatang ito ni FPRRD sa “inter alia” kung maapektuhan ang paglilitis ng Hukuman sa kaso ng dating Pangulo at magbibigay ito ng banta sa proteksyon sa karapatan at kalayaan ng sinoman.
Dahil dito, opisyal na inaprubahan ng ICC Trial Chamber ang apela ng kampo ni FPRRD nina Presiding Judge Joanna Korner, Judge Keebong Paek, at Judge Nicolas Guillou.
KAUGNAY NA BALITA: Walang Takas sa Batas: Paano kung si Gen. Torre humuli kay Sen. Bato?
