Idedepensa ni ONE Heavyweight World Champion Brandon Vera ang kanyang korona kontra sa hindi pa natatalong heavyweight contender mula Japan na si Hideki Sekine sa pagbabalik ng ONE Championship sa Mall of Asia Arena sa Disyembre 2.

Tinaguring ONE: Age of Domination, tatampukan ng Fil-American na si Vera ang world-class mixed martial arts na aktibidad.

Ang 39-anyos na si Vera, kilala sa taguri na “The Truth” ay bitbit ang mixed martial arts professional record na 14-7-0 at 1 NC. Sumali ito sa ONE Championship noong 2014 matapos lumaban sa nakalipas na dekada at maging isa sa world’s best fighters.

Kilala bilang isang devastating striker na may well-rounded submission grappling skills, nakamit nito ang ONE Heavyweight World Championship sa isang knockout victory kay Paul Cheng nakarang Disyembre.

'Pikon daw?' UAAP fan na nag-dirty finger, agaw-eksena sa San Juan Arena!

Magbabalik ito sa arena upang idepensa ang nasabing titulo kontra sa undefeated Japanese fighter Hideki Sekine na may pitong sunod na panalo.

Isasagawa nito ang kanyang ONE Championship debut matapos gumawa ng pangalan sa Japanese MMA promotion DEEP.

Kilala si Sekina sa kanyang brute strength at technical grappling ability na nakita sa tatlo nitong panalo sa submission at tatlo din sa knockout.

“ONE Championship is ready for another tremendous event for fight fans in Manila. Filipinos are some of the most passionate people in the world, and they really love their sports. So we have prepared a stacked card featuring a solid group of local fighters mixed in with some of the best international talents on our roster. ONE Heavyweight World Champion Brandon Vera is set to return to the ONE cage, and you all know that means be ready for an amazing night of action,” sabi ni ONE Championship CEO Victor Cui. (Angie Oredo)