Habang isinasagawa ang Oplan Tokhang PARAK SINUMPAK NG 'TULAK'

September 20, 2016

Nadaplisan ng bala ang isang pulis-Maynila makaraang barilin ng ‘di kilalang suspek, hinihinalang drug pusher, habang isinasagawa ang Oplan Tokhang sa Port Area, Manila, kamakalawa ng gabi.

Kinilala ni Police Supt. Albert Barot, hepe ng Manila Police District (MPD)-Station 5, ang biktima na si PO1 Marc Viola, nakatalaga sa Station Anti-Illegal Drugs, Special Operations Task Unit (SAID-SOTU), ng MPD-Station 5.

Ayon kay Barot, nagsasagawa ng Oplan Tokhang ang kanyang mga tauhan, kasama si Viola, dakong 7:30 ng gabi sa 14th Street, Port Area, Manila nang bigla umanong barilin ng suspek ang biktima gamit ang isang sumpak.

Tinangka umanong habulin ng mga pulis ang suspek ngunit mabilis itong nakatakas dahil kabisado nito ang pasikut-sikot sa lugar.

Kaagad namang isinugod sa Manila Doctor’s Hospital ang pulis na nagtamo ng sugat sa kanyang kanang kamay at maayos na ang kondisyon.

Nagsasagawa na ng follow-up operation ang mga tauhan ng Bagong Lupa, Baseco, Police Community Precinct (PCP), katuwang ang SAID-SOTU, upang maaresto ang suspek. (MARY ANN SANTIAGO)

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...