PINARANGALAN ang top-selling rock duo na sina Daryl Hall at John Oates, na kilala sa mga hit na Out of Touch at Maneater at maraming iba pa, ng star sa Walk of Fame ng Hollywood nitong nakaraang Biyernes.
“It’s an honor to be part of the great sidewalk of fame,” ani Oates sa seremonya na dinaluhan ng music executive na si Jerry Greenberg at gitarista ng Eurythmics na si Dave Stewart.
“LA has a really special place in my memories,” dagdag nito. “We recorded three albums out here in the mid-70s. And it’s always been a blast to come out here, and the entertainment business and the entertainment fans are the best.”
Silvanas, pasok sa ‘50 best cookies in the world’
Binuo nina Hall at Oates ang kanilang samahan noong 1972 at nagpatuloy para mag-rekord ng 21 albums na bumenta ng mahigit 80 milyong kopya.
Kinilala ang dalawa, na magkasama pa ring nagtatanghal sa mga concert, bilang rock’s all-time best selling duo noong 1987 ng Recording Industry Association of America. (AFP)
