Mga Laro Ngayon

(PhilSports Arena)

4 n.h. -- Perpetual vs NU

6 n.g. -- FEU vs UST

6 koponan nagbabalak ligwakin ang PVL; lilipat daw sa bagong liga?

Tatangkaing masungkit ng National University ang ikalawang quarterfinal berth as Group A sa pagsagupa sa sibak ng Perpetual Help habang maghahanda para sa susunod na round ang Far Eastern University at ang University of Santo Tomas sa pagpapatuloy ngayon ng Shakey’s V-League Season 13 Collegiate Conference sa Philsports Arena sa Pasig.

Magtatagpo ang Lady Bulldogs at Lady Altas sa ganap na 4:00 ng hapon.

Ang ikatlong sunod na panalo ay pormal na magdadala sa Lady Bulldogs sa quarterfinals kasama ng nauna nang umusad na San Sebastian College habang maiiwan nila ang laban para sa huling quarterfinals berth sa TIP at Ateneo.

Magtutuos naman ang Lady Tams at ang Tigresses sa huling laro sa ganap na 6:00 ng gabi.

Target ng Lady Tams ang ikatlong dikit na panalo upang makasalo sa liderato ng Group B sa University of the Philippines habang babawi naman ang Tigresses mula sa limang set na kabiguan sa kamay ng Lady Maroons sa nakaraan nilang laban.

Kapwa pasok na rin sa quarterfinals ang FEU at UST kung kaya’t ang magiging posisyon sa pagtatapos ng eliminatiions na lamang ang paglalabanan. (Marivic Awitan)