Ni ADOR SALUTA
Maayos naman niyang sinasagot ang mga tanong, pero may mangilan-ngilan na hindi nakauunawa sa kanya at sa kinasusuungan niyang isyu.
“It’s not even about being more private, it’s about people focus on the wrong things. Kilala n’yo ako, sumasagot ako. Pero ang tao kasi ngayon naghahanap ng mali. Kumbaga, shark na naghahanap ng dugo. So bakit pa ako magbibigay ng dugo?” paliwanag niya.
ALAMIN: 10 bansang hindi nagdiriwang ng Pasko
Lalo na ngayon, mainit na pinag-uusapan ang pagkakadawit ng kanyang pangalan kay Jessy Mendiola. Nauna na niyang nabanggit sa ibang panayam na lagi silang magkasama ni Jessy sa mga lakaran.
“Okay. It’s good. Hindi kami puwede mag-deny kasi nga there are pictures online. Ang weird naman nu’n kung idi-deny ko ‘yun na may pictures online. Kasi anything else, gagamitin nila against you. Sabi nga, isa sa mga pinakabugbog na statement sa bawat hearing ay, ‘I invoke my right to self-incrimination’,” ani Luis.
Pero ang puwede lang daw aminin ni Luis tungkol sa kanila ni Jessy ay ang paglabas-labas nila.
“Lumalabas kami. Kasi ‘pag dineny ko ‘yun magagalit kayo sa akin lahat. Mukha naman akong tanga ‘pag ‘dineny ko pa ‘yun. Sabi ko nga, anything I answer hahanapan ng mali. Sumagot na nga ako dati, nahanapan ng mali. Eh, di tatahimik na lang ako. Kung alam ko ang tao sasaksakin ako, bakit ko bibigyan ng kutsilyo? Sabi ko sa inyo, hahanapan ako ng mali. I can say the most beautiful thing, I can be as honest as I can, pero hahanapan ako ng mali,” pahayag pa ni Luis..
Matagal na raw silang magkaibigan ni Jessy.
“Dati pa. Even before kami nagkasama sa London because of ASAP. Dating-dati pa. I think she was still 18. It’s a small industry. Imposibleng hindi kami magkikita or hindi kami magkakilala. Ang dami kong kaibigan or kakilala na one time ko lang nakilala pero hanggang ngayon kaya ko sabihin na nakilala ko sila. Kahit never ko sila nakita after five years,” paliwanag ng binatang actor/TV host.
Mailap ang sagot ni Luis nang tanungin kung ano na ang estado ng samahan nila ni Angel Locsin, kung si Jessy na nga ba ang ipinalit niya rito o kung single pa siya at the moment.
“Kahit anong sagutin ko gagawan ng mali. Tatahimik na lang ako,” nakangiting pahayag ng host ng A Minute to Win na muli nang umere last July 18, at napapanood Monday to Friday afternoon sa ABS-CBN.
