Sa edad na 13, naiwan si Bella (hindi tunay na pangalan) at ang nakatatanda niyang kapatid na babae sa pangangalaga ng kanilang ama matapos maghiwalay ang kanilang mga magulang. Isang gabi, habang himbing siyang natutulog ay dumating ang kanyang ama, lasing na lasing, at hinalay siya nito.
Nitong Abril 17 lamang nangyari ang insidente, sa pagitan ng 9:00-10:00 ng gabi, sa bahay ng mag-aama sa Barangay Lawa sa Meycauayan City, Bulacan, ayon sa ulat ni Supt. Lailene Amparo, officer-in-charge ng Meycauayan City Police.
Naaresto si Rolando Cagulada De Vera, 40, matapos na iulat ng biktima, kasama ang kanyang ina, ang insidente sa mga opisyal ng barangay at sa pulisya.
Sa imbestigasyon, nabatid na dalawang beses nang ginahasa ng suspek ang dalagita. Ang unang beses ay nangyari noong Marso 24, 2016, dakong 11:00 ng gabi.
Agusan del Sur, nilindol ng magnitude 5.3
At sa pagpapatuloy ng pagsisiyasat, umamin ang kapatid ni Bella na siya man ay minolestiya at ilang beses na hinalay ng ama simula noong nasa Grade 3 pa lang siya. Ang huling panggagahasa ay nangyari noong Pebrero 29, 2016, sa loob ng kanilang bahay. (Franco G. Regala)
