HINDI na napigilan ni Serena (Liza Soberano) ang kanyang nararamdaman kay Tenten (Enrique Gil) at tuluyan na nitong inamin ang kanyang tunay na damdamin sa Dolce Amore, ang number one kiligserye ng bayan.
“I fell in love with the most amazing person na nakilala ko sa buong buhay ko. I fell in love with my friend from Tondo. Mahal kita, Simon. I love you,” sambit ni Serena kay Tenten sa harap nina Luciana at Roberto (Cherie Gil at Ruben Maria Soriquez), pati na ang best friend niyang si Giancarlo (Matteo Guidicelli).
BALITAnaw: Ang dalawang babaeng naging pangulo ng Pilipinas
Ikinagulat ng lahat ang pag-amin ni Serena kaya’t nauwi ito sa mainitang sagutan ng mag-ina. Nagawa pang sampalin ni Luciana ang dalaga dahil sa sobrang galit.
Inabangan ng buong bansa ang matamis na “I love you” ni Serena kaya pumalo sa national TV rating na 35% ang Dolce Amore, 20 puntos ang lamang sa kalabang programa na That’s My Amboy na nakakuha lang ng 15%, ayon sa survey data ng Kantar Media.
Umabot din sa mahigit dalawang milyong post sa Twitter ang nairehistro ng official hashtag ng episode na #DolceAmoreILoveYou mula sa netizens na kinilig sa pag-amin ni Serena, pati na ang matinding confrontation scene nina Serena at Luciana.
Samantala, makakasama na ang loyal fans ng programa o ‘Amores’ ang sweet journey nina Serena at Tenten sa paglulunsad ng programa ng “Dolce Amore Soundtrip” ng official website nitong dolceamore.ph.
Dito masisilip ang teasers, ekslusibong behind-the-scenes photos at videos mula sa programa, pati na ang nakakatuwang “Dolcenary,” na magtuturo ng Italian words.
Masusundan din dito ang adventures nina Serena at Tenten sa pamamagitan ng status updates at playlists ng mga karakter.
Marami pang ibang sorpresang handog ang site, kabilang na ang “The Amores; The Sweetest Adventure” promo na maaaring magwagi ng dalawang round trip tickets papuntang Italy ang masuwerteng ‘Amore.’ Para sa kumpletong detalye at mechanics, pumunta lang sa dolceamore.ph.
Panoorin ang number one kiligserye mula Lunes hanggang Biyernes sa ABS-CBN o ABS-CBN HD (SkyCable ch 167). Panoorin nang libre ang latest episodes nito sa iwantv.com.ph o skyondemand.com.ph para sa Sky subscribers. Para naman sa updates, sundan ang @realdolceamore sa Twitter at Instagram.
