HANGGANG ngayon ay may mangilan-ngilan pa ring kumukuwestiyon sa pagkalalaki ni Luis Manzano na sigurado sa kanyang kasarian kaya hindi siya kailanman naapektuhan ng nasabing isyu.
Pero aminado ang TV host na kung minsan ay napipikon siya lalo na kung paulit-ulit na lang ang paninirang ‘yun sa kanya.
“Hindi na rin naman bago sa akin ang ginawa nilang pagkuwestiyon sa pagkalalaki ko. Matagal na rin naman ‘yan. Bata pa lang ako, eh, ‘yan na ang paulit-ulit na intriga nila sa akin. Siguro, eh, hindi lang nila makuha ang katawan ko.
Paskong Pilipino, pinakamahabang kapaskuhan sa buong mundo
“Siguro sobra-sobra na ang pagnanasa nila sa akin kaya ganu’n na lang sila sa akin ngayon,” napatawang pangangatwiran ng host ng Family Feud na eere na simula ngayon.
Dagdag pa ni Luis, para sa kanya ay walang masama sa pagiging bakla.
“Kung bakla ka, eh, bakla ka by all means. Pero kung gagamitin siya bilang masamang pang-asar, kung tira sa akin, ginagamit siya with negative connotation, para sa akin, mali naman ‘yun,” lahad pa rin ng panganay ng soon to be congresswoman ng Lipa City na si Gov. Vilma Santos-Recto.
Sobra-sobra ang pasasalamat ni Luis na may mga kaibigan siyang taga-showbiz at non-showbiz na ipinagtatanggol siya, harapan man o talikuran. At isa na raw dito ang dating kasintahang si Angel Locsin na walang tigil sa pagtatanggol sa kanya sa social media, lalung-lalo na sa mga isyu na walang katotohanan pero pilit ibinabato sa kanya ng online bashers.
“Sa akin naman, eh, part na ‘yan ng industry. I mean, ‘yung name calling, bashing at iba pa. Ang dami kong naririnig na isyu sa akin na kahit katiting na pinanggalingan, eh, wala talaga. May balita pang nakabuntis daw ako ng beauty queen. Sabi ko, paano nangyari ‘yun?” naiiling pang banggit ni Manzano.
Knows din ni Luis na marami ang hindi basta-basta na lang naniniwala sa mga naririnig at nababasa nila pero, still, may ilan din namang agad naniniwala basta may nababasang paninira.
“If people only understood this industry more than what they see on TV, they will be completely surprised,” mariing pahayag ni Luis.
Bukod sa showbiz commitments ay busy rin si Luis ngayon sa pagtulong sa kampanya ng kanyang ina na sa Lipa at sa kanyang Tito Ralph Recto at amang si Edu Manzano na kapwa tumatakbo para senador. (JIMI ESCALA)
