NGAYONG Marso, ipinagdiriwang ng Tonight With Arnold Clavio (TWAC) ang ikaanim na taong paghahatid ng kuwentuhang masaya, makabuluhan, at puno ng tugtugan at tawanan. Espesyal ang anniversary episode ng TWAC ngayong Marso 2 at 9 dahil makakasama ni Igan Arnold Clavio ang first time daddy at Kapuso Primetime King na si Dingdong Dantes.
Ilang taon na rin ang lumipas mula nang huling bumisita si Dingdong sa programa, kaya napakarami niyang baong kuwento ngayon na tiyak na kagigiliwan ng kanyang fans.
Una na ang eksklusibong munting ‘interview’ ni Igan sa unica hija nina Dingdong at asawang si Marian Rivera — ang napaka-cute na si Baby Letizia. Kahit ilang buwan pa lamang si Baby Zia, aba’y tila nangungusap nang sorpresang mag-phone patch ang mag-ina sa programa. Sa pag-uusap nina Marian at Igan sa telepono, ibubuko ni Marian kung gaano nga ba kabait bilang asawa at ama si Dingdong.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Hindi rin lingid sa kaalaman ng lahat na nagsimula bilang dancer si Dingdong sa grupong Abztract. Pero mahilig din pala siya sa rakrakan at napakagaling tumugtog. Kaya hindi palalampasin ni Igan ang pagkakataong maka-jamming si Dingdong — hindi lang sa sayawan kundi pati sa tugtugan.
At sa “Nasubukan Mo Na Ba?”, mabubuko ang ilang mga hindi pa nalalamang kuwento tungkol kay Dingdong na tiyak na ikatutuwa ng mga manonood.
Sama na sa masayang interview kay Dingdong sa two-part anniversary episode ng Tonight with Arnold Clavio ngayong Marso 2 at 9, 10:15 PM sa GMA News TV.
