Nalusutan ng University of the East ang matinding hamon na itinayo ng University of Santo Tomas sa individual events upang makamit ang pangingibabaw sa men’s at women’s divisions ng UAAP Season 78 fencing tournament sa Blue Eagle gym.

Ang nakopong gold medal nina Christian Jester Concepcion sa sabre event at Michael Nicanor sa foil category, ang nagpalakas sa tsansa ng Red Warriors sa target nitong ikaapat na sunod na kampeonato.

Nagwagi rin ng gold medal para sa Growling Tiger si Noelito Jose na namayani laban sa reigning MVP na si Nathaniel Perez sa epee individual finals.

Isa pang silver ang naiambag ni Perez matapos mabigo sa finals ng foil final sa kakamping si Nicanor.

'Pikon daw?' UAAP fan na nag-dirty finger, agaw-eksena sa San Juan Arena!

Nanalo rin ng dalawang gold medal ang 9-peat seeking Lady Warriors sa pamamagitan nina dating MVP Justine Gail Tinio sa foil event at Keren Pangilinan na nagwagi naman sa epee category.

Nakasingit si UST skipper Maylene Pailma nang talunin nito ang last season’s top rookie na si Nicole Cortey sa sabre event. (Marivic Awitan)