Patay ang isang mag-asawa makaraang mabangga ng isang truck habang lulan sa kanilang motorsiklo sa Tondo, Maynila, nitong Lunes ng hapon.
Dead on the spot sina Armando Bonzon Jr., 44, at Morena Bonzon, 43, kapwa residente ng 69 M. Fernando St., Tondo, Maynila.
Arestado naman si Archie Rasimo, 30, truck driver ng Deck Trans System Corp., at residente ng 206 Lozada Street, Pandacan, Manila.
Batay sa ulat ni SPO1 Jay Santos, ng Manila District Traffic Enforcement Unit, nangyari ang insidente dakong 12:39 ng hapon sa Radial Road 10, kanto ng Capulong St. sa Tondo.
VP Sara, tahasang iginiit na hindi niya binoto si Romuadlez
Nauna rito, magkaangkas ang mag-asawa sa kanilang Mitsukoshi LF-125 motorcycle (NE-64741) at binabagtas ang lugar nang salpukin sila ng truck ni Rasimo.
Sa lakas ng pagkakabangga, tumilapon nang ilang metro ang mag-asawa na agad nilang ikinamatay.
Nahaharap ang suspek sa dalawang bilang ng reckless imprudence resulting to homicide. (Mary Ann Santiago)
