NAGDAGDAG ng seryosong martial arts ang sequel na XXX: The Return of Xander Cage ni Vin Diesel.
Sa pagbabalik ng kanyang pagganap bilang extreme sports superspy na nakilala noong 2002 sa XXX, si DJ Caruso (Eagle Eye, I Am Number Four) ang magdidirehe ng pelikula ni Vin, at kumpirmado na ring magbabalik sa sequel ang orihinal na co-star na si Samuel L. Jackson.
Iniulat kamakailan ng Twitch na mapapanood na rin sa pelikula ang action superstars na sina Jet Li at Tony Jaa, gayundin ang Indian actress na si Deepika Padukone.
ALAMIN: Ano nga ba ang EBET Law na pinirmahan ni PBBM
Isa si Jet sa pinakamalalaking celebrity na sumikat mula sa Hong Kong action movie scene sa nakalipas na 30 taon, at nagbida sa mga pelikulang Fist of Legend, Fearless, One, at Hero. Napanood din si Jet sa The Expendables series.
Samantala, si Tony na marahil ang pinakakilalang Thai action star, at nagbida siya sa mga pelikulang Ong Bak at Warrior King. Kontrabida siya ni Vin sa kapapalabas na Fast and the Furious 7.
Si Deepika ay isang sikat na aktres sa India, at nakilala sa pagganap sa 2012 romantic comedy na Cocktail.
Una nang inihayag ni Vin na sa Pilipinas gagawin ang shooting ng pelikula. (Yahoo News)
