Kumpleto na ang listahan para sa Final Four ng 13th Fr., Martin Division 2 Cup makaraang pumasok ng Arellano University, Ateneo de Manila , San Beda-A at San Beda-B.
Nakakuha ng double digit outputs ang Chiefs sa kanilang mga baguhang player upang magapi ang Angeles University Foundation Great Danes, 121-85, sa kanilang homecourt sa Arellano gymnasium sa Legarda, Manila upang pormal na umusad sa semis.
Nanguna para sa Chiefs si Richard Abanes na nagposte ng 26-puntos para sa tropa ni coach Jerry Codinera.
Sumunod naman sa kanila ang Blue Eagles na pinangunahan ni Dan Wong na umiskor ng 21-puntos nang kanilang pataubin ang University of Santo Tomas (UST) Growling Tigers, 83-62, sa labang ginanap sa Far Eastern University (FEU) gym.
Akari Sports wala pang balak pasukin ang PBA
Nagsalansan naman ng 17-puntos si Robert Bolick upang giyahan ang San Beda- A tungo sa 78-71 na paggapi sa AMA Computer University habang nagposte ng game-high 29-puntos si Davon Potts para sa San Beda-B upang maigupo nila ang University of Perpetual Help, 75-67.
Samantala sa junior divison, nakausad sa finals ang Infant Jesus Academy Blue Wolves matapos makalusot sa dalawang overtimes at ungusan ang Xavier School Golden Stallions, 108-102. (Marivic Awitan)
