Mga laro ngayon (Smart-Araneta Coliseum):

4:15pm – Barako Bull vs. Globalport

7pm – Kia Carnival vs. Purefoods

Solong ikalawang puwesto ang tatangkaing makamit ng nagdidepensang kampeon na Purefoods sa kanilang pakikipagtipan sa Kia Carnival sa tampos na laro ngayong gabi sa nakatakdang doubleheader sa pagpapatuloy ng aksiyon ng elimination round ng PBA Commissioner’s Cup sa Smart-Araneta Coliseum.

Empleyadong lasing, patay matapos sapakin ng ginising na katrabaho

Magtatagpo ang koponan ni boxing icon at Congressman Manny Pacquiao at ng Star Hotshots ni multi-titled coach Tim Cone ganap na ika-7 ng gabi pagkatapos ng unang salpukan sa pagitan ng Barako Bull at Globalport ganap na alas-4:14 ng hapon.

Kasalukuyang kasalo ng Talk ‘N Text ang Star Hotshots sa ikalawang posisyon hawak ang parehas na barahang 4-1, panalo-talo, kasunod ng solong lider na Meralco na nananatiling walang bahid matapos ang limang laban.

Kabuntot naman nila ang Barako Bull na naiiwan lamang ng isang panalo taglay ang kartadang 3-1.

Tiyak na magkukumahog na makabalik sa winning track ang tropa ni Cone kasunod ng unang kabiguang nalasap sa kamay ng Rain or Shine, 71-78, sa kanilang paghaharap sa Dipolog City noong Sabado na tumapos sa panimula nilang 4-game winning streak.

Para naman sa Kia, magtatangka ang mga ito na makamit ang asam na ikalawang pano matapos makaranas ng dalawang sunod na kabiguan matapos makamit ang unang panalo kontra San Miguel Beer.

Mauuna rito, target din ng Barako Bull na makabalik sa winner’s column matapos na sumadsad sa unang pagkakataon pagkaraan ng limang laban sa kamay ng Talk ‘N Text Tropang Texters noong nagdaang biyernes, 75-80.

Umaasa ang import ng Energy Cola na mauunawaan na ng kanyang mga lokal na kakampi ang kahalagahan ng pagdidipensa para sila manalo.

Matatandaang hindi naitago ni Solomon Alabi ang kanyang pagkadismaya sa kanyang mga kakampi nang aniya’y hindi siya pakinggan ng mga ito na paigtingin ang depensa sa huling laban kontra TNT.