Inihayag ng Philippine Overseas Employment Administration (POEA) na binigyan na nito ng awtorisasyon ang 26 na lisensiyadong recruitment agency na mangalap ng mga overseas Filipino worker (OFW) para sa mga job opening sa New Zealand.

Sa isang pahayag, inabisuhan ni POEA Administrator Hans Cacdac ang mga OFW na interesadong magtrabaho sa New Zealand na magsumite ng kanilang aplikasyon sa mga awtorisadong recruitment agency upang hindi mabiktima ng mga illegal recruiter.

“Recruitment agencies and their respective job orders from New Zealand and other countries can be accessed at http://www.poea.gov.ph/cgibin/JobVacancies/jobsByCty.asp,” pahayag ni Cacdac.

Kabilang sa mga job opening ay karpintero, pintor, plasterer, bricklayer, blocklayer, mason, electrician, welder, fabricater at plasterer.

National
Pamilya ni Ninoy Aquino, tinututulan anumang banta ng karahasan o pagpaslang

Pamilya ni Ninoy Aquino, tinututulan anumang banta ng karahasan o pagpaslang

Binigyang-diin ni Cacdac na hindi nangangalap ang POEA ng mga OFW para sa New Zealand dahil walang government-to-government agreement ang Pilipinas sa dating British colony.

Sinabi ng POEA na ang mga recruitment agency na may job placement sa New Zealand ay ang mga sumusunod: 21st Century Manpower Resources Inc.; Adana Manpower Services Corporation; Bison Management Corporation; EDI Staffbuilders International, Inc.; Eligardi Enterprises; FAASI International Corporation; Filhigh-GNS, Inc.; Global Resource for Outsourced Workers, Inc.; Greenfields International Manpower Services Inc.; IEmploy Manpower Services, Inc.; JPS International Recruitment Agency; JS Contractor, Inc.; Lau’ Mel International Entertainment Promotion, Inc.; Long Term Recruiting and Development Corporation; Manumoti Manpower International, Inc.; Mission Way Manpower Services, Inc.; Mitac Overseas Manpower Corporation; Omanfil International Manpower Development Corporation; Orion Site Medlink (OSM) International Resourcing, Inc.; PARMAN, Inc.; PNI International Corporation; Rise Manpower Services.; Staffhouse International Resources Corporation; Sunergeos Manpower Services Corporation; Uniplan Overseas Employment, Inc.; at YWA Human Resource Corporation. (Samuel P. Medenilla)