Sen. Ping Lacson, idiniing irespeto desisyon ng Korte Suprema-Balita

Sen. Ping Lacson, idiniing irespeto desisyon ng Korte Suprema

Pinayuhan ni Senate President Pro Tempore Panfilo “Ping” Lacson ang publiko na irespeto daw nila ang anomang desisyon ng Korte Suprema partikular sa naging pagbabasura nito sa apelang motion for reconsideration ng Kamara kaugnay sa impeachment complaint laban kay Vice President Sara Duterte.

KAUGNAY NA BALITA: SC, ibinasura motion for reconsideration ng Kamara sa impeachment complaint vs VP Sara

Ayon naging threads ni Lacson sa kaniyang “X” account noong Biyernes, Enero 30, 2026, sinabi niyang kailangan daw tanggapin at respetuhin ng publiko ang desisyon ng Korte Suprema kaugnay sa impeachment complaint laban kay Duterte kahit sang-ayon o hindi man sila sang-ayon dito.

Pagdidiin ni Lacson, hindi raw tatawaging “gods of Padre Faura” ang Korte Suprema nang walang dahilan.

“Agree or disagree, right or wrong, just or unjust, faultless or defective - we must accept and respect the SC ruling on the unconstitutionality of VP Sara Duterte’s impeachment case,” pagsisimula niya.

Dagdag niya, “They are not called the 'gods of Padre Faura' for nothing.”

Screenshot mula sa “X” ni Lacson.

Pagpapatuloy pa ni Lacson, hindi raw iyon tungkol usapin ng politika o kung sino ang makikinabang.

Aniya, hindi raw magbabago ang pananaw niya tungkol sa Korte Suprema kung sakali man daw na baliktad ang naging desisyon nito dahil mahalaga na respetuhin ang batas.

“This is not about politics or who gains or loses. If the SC ruling went the other way, my sentiment would be the same. Simply put, it is about respecting the rule of law,” pagtatapos pa niya.

Samantala, taliwas sa pahayag ni Lacson, tila dismayado naman si Senate President Vicente “Tito” Sotto III kaugnay sa nasabing desisyong “with finality” ng Korte Suprema.

MAKI-BALITA: SP Sotto, dismayado sa desisyon ng Korte Suprema ugnay sa impeachment vs VP Sara

Ani Sotto, malinaw daw na judicial legislation ang naging desisyon ng Korte Suprema at tahasan paglalatag ng pangangailangan ng isang panuntunang dapat sundin ng Kongreso sa pagsasagawa ng impeachment.

Diin pa ni Sotto, panghihimasok (encroachment) daw iyon sa kapangyarihan ng Legislative branch, alinsunod na rin sa Konstitusyon.

Pagpapatuloy pa niya, isa na raw ngayong pangarap na lang ang impeachment.

MAKI-BALITA: Matapos desisyon ng SC: SP Sotto, susuporta kung babaguhin Konstitusyon

MAKI-BALITA: VP Sara sa supporters matapos ang desisyon ng SC: 'Hinay-hinay lang sa celebration!

Mc Vincent Mirabuna/Balita

Lalaking 3 beses umanong ginahasa, ginilitan sariling rapist!

Nasawi ang isang lalaki matapos umanong gilitan sa leeg sa isang liblib na lugar sa Sto. Tomas, Isabela.Ayon sa ulat ng pulisya, naganap ang insidente sa Barangay Balelleng matapos umanong papuntahin ng biktima ang suspek sa nasabing lugar, kung saan doon na isinagawa ang naturang krimen.Kinabukasan natagpuan ang bangkay ng biktima ng kaniyang kapatid, na agad humingi ng tulong sa mga...

DOH-BOQ, naghihigpit na sa potensyal na pagpasok ng Nipah Virus sa bansa

Pinaiigting na ng Department of Health-Bureau of Quarantine (DOH-BOQ) ang border surveillance at screening protocols sa mga paliparan at pantalan bilang paghahanda sa banta ng Nipah virus sa Pilipinas. Ayon sa pahayag ng DOH nitong Sabado, Enero 31, may mga nakapuwestong infrared scanners sa mga arrival concourse ng mga nakatalagang BOQ sub-stations sa mga pantalan at paliparan sa bansa. May mga...

Misis na umano'y taksil, sinaksak ng mister habang natutulog!

Isang 27-anyos na babae ang nasawi matapos umanong pagsasaksakin ng kaniyang 38-anyos na asawa sa loob ng kanilang tahanan sa Davao City.Ayon sa mga awtoridad, habang mahimbing na natutulog ang biktima ay bigla na lamang itong inatake at pinagsasaksak ng suspek.Kahit nagtamo ng maraming sugat, nagawa pa umanong makatakbo ng biktima ng ilang hakbang bago tuluyang bumagsak.Isinugod pa siya sa...