‘Di na umusad? Sen. JV Ejercito, 'frustrated' sa mga gulo sa bansa-Balita

‘Di na umusad? Sen. JV Ejercito, 'frustrated' sa mga gulo sa bansa

Naglahad ng kaniyang pagkadismaya si Senate Deputy Majority Leader JV Ejercito sa tila hindi na umusad ang umano’y kinakaharap ng Pilipinas sa maanomalyang flood control projects at mga impeachment complaints na isinampa laban kay Pangulong Ferdinand “Bongbong” Marcos, Jr.

KAUGNAY NA BALITA: Solon, naghain ng impeachment complaint vs PBBM sa Kamara!

Ayon kay Ejercito, sa naging panayam sa kaniya ng One News PH nitong Biyernes, Enero 23, sinabi niyang hindi naman daw siya tutol sa impeachment complaint laban sa Pangulo o kahit sa sinomang opisyal ng pamahalaan dahil parte raw iyon ng kanilang kanilang tungkulin na inatas sa kanila ng konstitusyon.

“For impeachment or not, whether it’s the President or any other official, we are bound in our constitutional duty. Pabor man kami o hindi, kailangan naming gampanan itong trabahong ito dahil ‘yan po ang iniatas sa atin ng konstitusyon,” pagsisimula niya.

Ani Ejercito, gusto lang daw niyang maglabas ng kaniyang pagkadismaya dahil kinakaharap pa rin ng bansa sa mga anomalya sa flood control projects at mga impeachment complaint imbes na isulong daw ang mga programa sa imprastraktura, airforce, railways, healthcare, at iba pa hindi kagaya ng ginagawa ng mga kalapit na bansa.

“Ang sa akin lang, I’m just want to… my frustration. From other ASEAN countries, Vietnam, Bangkok… Malaysia. They are doing all the right things moving forward,” aniya.

Dagdag pa niya, “And then here we are. Instead of moving forward, instead of talking about the infrastructure program, the new airforce, railways, healthcare, and others, we are talking about the flood control scandals tapos meron pang impeachment complaints.”

Anang senador, personal daw niyang nararamdaman ang pagkadismaya dahil tila hindi na raw umusad ang bansa.

“Personally, I feel frustrated that instead of moving forward, it seems that we are regressing,” saad niya.

“Kaya lang, again, it’s our constitutional duty. I hope people don’t get me wrong that I am not against the impeachment… I’m just expressing my frustration na we are being left behind already by our ASEAN neighbors,” pagtatapos pa ni Ejercito.

MAKI-BALITA: Rep. Renee Co, diniin 'filed' na impeachment vs PBBM kahit absent si Sec. Gen. Garafil

MAKI-BALITA: 'Absent daw!' House Secretary General, 'di tinanggap ikalawang impeachment case kay PBBM

Mc Vincent Mirabuna/Balita

Patay na babae, natagpuan sa isang bangin sa Antipolo

Patay na ang isang babae nang matagpuan ng mga awtoridad sa isang bangin sa Marcos Highway, Antipolo City, sa lalawigan ng Rizal noong Huwebes, Enero 22.Base sa ulat na ibinahagi ng Antipolo PNP nitong Biyernes, Enero 23, tinatayang nasa 20-anyos ang babae, na may taas na aabot aa 4’11” hanggang 5’0”.Walang pagkakakilanlan ang babae maliban sa mga “identifying marks” nito katulad ng...

Sen. JV Ejercito sa panawagang masibak sa Ethics Committee: 'Malaking kagaanan po ito!'

Tila walang planong pigilan ni Committee on Ethics and Privileges Chairman Sen. JV Ejercito ang panawagan laban sa kaniya na maalis sa puwesto ng nasabing komite. Ayon sa naging pahayag ni Ejercito sa panayam sa kaniya ng One News PH nitong Biyernes, Enero 23, sinabi niyang “go lang” daw na manawagan ang mga indibidwal sa kaniya na masibak sa Committee on Ethics dahil wala raw may gusto ng...

Libo-libong balikbayan boxes, maiuuwi na sa tamang destinasyon, matapos ilang taon!—BOC

Maibabalik na sa tamang mga destinasyon ang libo-libong balikbayan boxes na natengga lamang, ayon sa Bureau of Customs (BOC) nitong Biyernes, Enero 23, 2026.Ayon sa BOC, mahigit kasi sa 100 container na kargado ng mga balikbayan box ang inabandona ng mga consolidator sa mga pantalan.Sinabi ni Customs Commissioner Ariel Nepomuceno na ang ilan sa mga balikbayan box ay nananatili na sa pantalan sa...