Proud na ipinakilala ng isang international toy company ang kanilang disenyo ng kauna-unahang “Autistic Barbie” bilang representasyon sa Autistic community sa buong mundo.
“Barbie and ASAN (@autisticselfadvocacy) are proud to partner on the first-ever autistic Barbie, designed with connection and understanding at the core,” anunsyo ng Mattel sa kanilang Instagram account noong Lunes, Enero 12.
Ayon sa toy company, idinesenyo nila ang Barbie, layon nilang mas mapalawak ang pag-intindi ng publiko, partikular ng mga bata, sa mga taong may autism sa mundo.
“Created with guidance from the autistic community to represent common ways autistic people may experience, process, and communicate about the world around them,” saad ng Mattel.
Camiguin, kabilang sa ‘52 Places to Go in 2026’ ng The New York Times
Anila pa, layon din nilang mairepresenta ang mga batang nasa autism spectrum sa pamamagitan ng Barbie, na makita at maintindihan ng mga ito ang sarili nila, at mas maintindihan din ang kapwa nila.
“This doll invites more children to see themselves represented in Barbie, and helps us all understand the many ways we each can experience the world,” dagdag pa ng Mattel.
Makikita rin na may kasamang fidget spinner, Augmentative and Alternative Communication tablet, at noise-cancelling headphones ang Barbie na kadalasang ginagamit din ng ilang kabataan na nasa autistic community para makatulong sa kanilang self-expression.
Bukod pa rito, kasama rin sa “Diverse Doll Line” ng Mattel ang kauna-unahang Barbie Doll na may Down Syndrome, na idinesenyo sa pakikipagtulungan nila sa National Down Syndrome Society (NDSS).
Ayon sa Autism Speaks, ang Autism o Autism Spectrum Disorder (ASD) ay tumutukoy sa malawak na grupo ng mga kondisyon na nakaaapekto sa pagkakaroon ng pagsubok sa social skills, repetitive behaviors, speech, at nonverbal communication ng isang indibidwal.
Sean Antonio/BALITA
