Nagpaabot ng pagbati si Mamamayang Liberal (ML) Rep. Leila De Lima sa bagong posisyong ibinigay para kay dating Philippine National Police (PNP) chief Nicolas Torre III.
Ito ay matapos kumpirmahin ng Palasyo ang pagkakatalaga kay Torre bilang Metro Manila Development Authority (MMDA) General Manager.
Sa latest Facebook post ni De Lima nitong Biyernes, Disyembre 19, pinagdasal niya ang tagumpay ni Torre.
“Congratulations, Gen. Torre! Prayers for your success. All the best!” saad ni De Lima.
Padilla, pinapaawat muna pasiklaban ng mga pahayag sa pagpanaw ni Cabral
Komento naman ni Torre, “Salamat maam!”
Matatandaang buwan ng Agosto nang maianunsiyo ang pagkasibak kay Torre bilang hepe ng kapulisan.
Batay sa inisyung memorandum ni Executive Secretary Lucas P. Bersamin noong Lunes, Agosto 25, inatasan siya ng proper turnover.
Maki-Balita: Torre, sinibak sa puwesto bilang PNP Chief
Ngunit kinumpirma rin naman noon ng Palasyo na may bagong posisyong ibibigay sa kaniya bagama’t walang detalyeng inilahad hinggil dito.
Maki-Balita: Palasyo, kinumpirma bagong posisyon ni Torre
