Itinanggi ni Department of Interior and Local Government (DILG) Secretary Jonvic Remulla na may hidwaan sa pagitan nila ni Police Major General Nicolas Torre III na sinibak bilang hepe ng Philippine National Police (PNP), epektibo nitong Martes, Agosto 26.
Maki-Balita: Torre, sinibak sa puwesto bilang PNP Chief
Sa isinagawang press conference nito ring Martes, sinabi ni Remulla na maganda umano ang ugnayan nila ni Torre.
"PNP chief and I've always had a good relationship. Remember, I only entered the SLG last October. And that's the first time I met him. And from then 'til now, our relationship...is stellar," anang kalihim.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Dagdag pa niya, "We've never had agreements for the last few days about certain things. Until now, I still consider him not only as a colleague but someone with whom I've gone to battle and whom I trusted with big decisions of the president."
Bukod dito, nilinaw din ni Remulla na hindi paglabag sa batas ang dahilan kung bakit sinibak sa posisyon si Torre.
Aniya, “He did not violate any laws. He has not been charged with any violation. He's not been charged criminally. It is simply a choice of the president to take the redirection for the PNP.”
Sa kabila nito, kinokonsidera pa rin daw si Torre ng pangulo para sa ibang katungkulan.
Maki-Balita: Torre, walang nilabag na batas—Remulla
Matatandaang pinalitan si Torre ni Police Lieutenant General Jose Melencio Nartatez Jr. bilang bagong pinuno ng kapulisan.
Maki-Balita: KILALANIN: Si P/Lt. Gen. Jose Melencio Nartatez Jr., bagong PNP Chief
