Patay ang isang 61-anyos na lola matapos mabangga ng isang multicab sa Sitio Atabay, Barangay Macaas, Catmon, Cebu.
Kinilala ang biktima sa alyas na “Nisa,” na residente ng nasabing barangay.
Batay sa paunang imbestigasyon ng Catmon Municipal Police Station, bigla umanong tumawid ang biktima sa kalsada at nabangga ng multicab na minamaneho ng isang 27-anyos na lalaki na residente ng Danao City.
Nagtamo ng matinding pinsala sa katawan ang biktima at agad na isinugod sa ospital para sa gamutan, ngunit idineklara siyang dead on arrival ng mga medical personnel.
Samantala, ayon sa ulat ng Cebu People’s Action Center ng lalawigan ng Cebu, sinasabing hinahabol umano ng biktima ang kaniyang apo na bigla ring tumawid sa kalsada.
Barangay tanod na bibili lang ng pagkain, itinumba; tindera, nadamay rin!
Sinabi ng mga awtoridad na tinangka ng lola na habulin at tulungan ang bata, ngunit nasalpok siya ng paparating na sasakyan sa gitna ng insidente.
Naidokumento na ng pulisya ang mga pangyayari kaugnay ng aksidente bilang bahagi ng patuloy na imbestigasyon.
Kinilala ang driver bilang residente ng Danao City, habang patuloy na sinusuri ng mga awtoridad ang iba pang detalye ng insidente.
Nakikipag-ugnayan na rin ang mga imbestigador sa iba’t ibang tanggapan at nire-review ang mga ulat upang matukoy ang kabuuang pangyayari na nagresulta sa nasabing aksidente.
Patuloy pa ang imbestigasyon habang tinitipon ang karagdagang impormasyon at pinatutunayan ang mga pahayag ng mga saksi hinggil sa mga huling sandali bago mabangga ang biktima.
Samantala, habang isinusulat ang artikulong ito ay wala pang impormasyon kung nasa ligtas na katayuan ang po ng biktima.
