Binigyang-pugay ni "Pinoy Big Brother Celebrity Collab Edition" host na si Bianca Gonzalez ang huling dalawang duo na na-evict sa Bahay ni Kuya: ang ShuKla na sina Shuvee Etrata at Klarisse De Guzman, at ang latest na DusBi o sina Dustin Yu at Bianca De Vera.
Ayon sa X post ni Bianca, hindi raw ganoon ka-impactful ang season na ito ng PBB kung wala sa loob ng PBB House at naging housemates ang apat na housemates.
Para kay Ate B, deserve din ng apat na makasama sa Big Four kung sakaling hindi sila na-evict.
"I also want to honor our two other final duos, ShuKla and DusBi. This season would not be as impactful without Shuvee, Klarisse, Dustin and Bianca, with everything they brought to and showed inside the house. Definitely Big Four material too!" ani Bianca.
Tuesday Vargas, may paalala sa Pasko: Hindi mandatoryo ang pamimigay ng regalo
Hangad daw ni Bianca na magkaroon ng mas marami pang oportunidad ang apat sa outside world.
"And with all the incredible new opportunities they are now reaping in the outside world, their many fans and supporters, they are certainly all WINNERS," aniya.
Samantala, ang apat na duos naman na kabilang sa Big Four at naghihintay na lamang ng ranking ay RaWi (Ralph De Leon at Will Ashley), ChaRes (Charlie Fleming at Esnyr), AzVer (AZ Martinez at River Joseph) at BreKa (Brent Manalo at Mika Salamanca).
