FPRRD, di pwedeng mag-'work from Hague’ bilang mayor ng Davao City?

By Kate Garcia

May 17, 2025

In BALITA

Posible umanong maantala ang pagbalik sa puwesto ni dating Pangulong Rodrigo Duterte bilang mayor ng Davao City kung sakaling hindi siya makabalik ng bansa para sa kaniyang oath-taking hanggang sa Hunyo 30, 2025.

Sa panayam ng media sa Department of Interior and Local Government (DILG)-Davao City, posibleng tumayo bilang pansamantalang alkalde ng lungsod si outgoing Davao City Mayor Sebastian Duterte na siyang nanalo bilang vice mayor.

“Mangyayari sa ano niyan is the law of succession. Nandoon pa si former President and elected as City Mayor ang magiging acting City Mayor is the elected City Vice Mayor which is Mayor Baste,” ani Vicky Sarcena, Director ng DILG Davao City.

Kaugnay nito, posible naman umakyat bilang Vice Mayor ang anak ni Davao 1st district Representative Paolo Duterte na si Rodrigo “Rigo” Duterte II, matapos ang kaniyang pagkapanalo at manguna bilang konsehal sa kanilang lungsod.

Paglilinaw pa ni Sarcena na hindi raw maaring maging permanente ang pagkakaroon ng “acting mayor” at “acting vice mayor” alinsunod sa Omnibus Election Code.

“Sa omnibus election code nakalagay doon, once na proclaimed within six months na, tapos hindi maka assume ma-ano 'yon vacant. Pero depende kung ano yung cause of failure to assume. Considered vacant unless said failure is for a cause or causes beyond his control,” aniya.

Samantala, nauna nang ihayag ni Vice President Sara Duterte na pinag-aaralan na ng kampo ng kanilang amang si dating Pangulong Duterte kung paano siya makakapanumpa habang siya ay kasalukuyang nasa kustodiya ng International Criminal Court (ICC) sa Netherlands.

KAUGNAY NA BALITA: Kampo ni FPRRD, pinag-aaralan paano manunumpa bilang mayor ng Davao City

PBBM, pinahahanap student athletes na nag-wacky ng mukha sa speech niya

Natatawang nagkomento si Pangulong Ferdinand 'Bongbong' Marcos, Jr. sa isang video clip kung saan makikita ang ilang babaeng student athletes na nag-wacky ng mukha habang nagtatalumpati siya para sa opening program ng 'Palarong Pambansa' kamakailan.Pero sa halip na magalit ay tila naaliw pa ang Pangulo sa kaniya.'No'ng opening ceremony ng Palarong Pambansa, eh may mga...

'Walang atrasan!' 2 senador, sinigurong tuloy ang impeachment trial sa Hunyo 11

Iginiit ng dalawang senador na matutuloy ang pagsisimula ng pag-usad ng impeachment trial ni Vice President Sara Duterte sa darating na Hunyo 11, 2025.Ayon kay Sen. Sherwin Gatchalian, wala raw ibang pagpipilian ang Senado kung hindi ituloy ang nakabinbing impeachment.“Wala namang choice ang Senado. Hindi ito desisyon ng mga senador. Ito ay constitutional responsibility ng mga senador,” ani...

15-anyos, patay sa pagsabog ng isang bagay na napagkamalang gold bar!

Patay ang 15-anyos na lalaki matapos sumabog ang isang umanong bomba na napagkamalang gold bar sa Bukidnon.Ayon sa mga ulat, natagpuan ng biktima ang isang bagay na inakala niyang gold bar. Kasama ang dalawa pang kaibigan na 18-anyos at 33 taong gulang, may ginupit daw sila bahagi ng natagpuang bagay at saka ito sumabog. Nakaligtas naman ang dalawang kaibigan ng biktima habang dead on arrival na...