Matapos manalong alkalde: Kerwin Espinosa, binasa Local Government Code ng PH

By Mary Joy Salcedo

May 16, 2025

In BALITA Eleksyon

Nagbahagi ang dating self-confessed druglord na si Rolan "Kerwin" Espinosa ng larawang nagbabasa ng Local Government Code ng Pilipinas matapos niyang maproklama bilang alkalde ng Albuera, Leyte.

Sa isang Facebook post nitong Huwebes, Mayo 15, sinabi ni Espinosa na wala raw siyang sasayanging oras upang matutunang pamahalaan ang kaniyang obligasyon bilang mayor.

“No time wasted for the new challenges of my life,” ani Espinosa.

“You’ll learn how to manage all your obligations when you have the perseverance to do so,” dagdag niya.

Noong Martes, Mayo 13, nang iproklama si Espinosa na panalong alkalde ng Albuera sa isinagawang 2025 midterm elections noong Lunes, Mayo 12, matapos makakuha ng mahigit 14,000 na boto.

Uunahin daw ni Espinosa ang peace and order at maging ang pagsugpo ng ilegal na droga sa kanilang lungsod.

Bago ang eleksyon, matatandaang noong Mayo 10 nang barilin si Espinosa habang nangangampanya.

MAKI-BALITA: Kerwin Espinosa, binaril habang nangangampanya sa Leyte

KAUGNAY NA BALITA: Kerwin Espinosa, naghain ng frustrated murder cases vs 7 pulis

Teddy Casiño, nakasama sina Heidi Mendoza, Luke Espiritu: ‘Maybe next time’

Nagkasama sina social activist Teddy Casiño, dating Commission on Audit (COA) commissioner Heidi Mendoza, at labor leader Luke Espiritu sa isang event nitong Biyernes, Mayo 16, ilang araw matapos ang 2025 midterm elections.Sa isang X post, nagbahagi si Casiño ng masayang larawan kasama sina Mendoza at Espiritu.“Maybe next time,” saad ng social activies kasama ang hashtag na...

Mayor Vico sa pag-aasawa: Darating po tayo d'yan

Sa ngayon, tila wala pa sa isip ni Pasig City Mayor Vico Sotto ang pag-aasawa, aniya, ang inspirasyon niya sa ngayon ay ang mga Pasigueño.Sa isang TV interview, tinanong si Sotto kung ano ngayon ang kalagayan ng kaniyang puso. “Okay lang po. Darating at darating naman po ‘yan,' saad ng alkalde. 'Gaya nga po ng sabi ko, nitong nakaraang anim na taon sobra sa trabaho...

Mga partylist na nakapangalan sa ‘teleserye’ at tunog ‘ayuda,’ ipagbabawal na sa susunod na eleksyon—Comelec

Inihayag ng Commission on Elections na ipagbabawal na nila ang pagkakaroon umano ng mga party-list na nakapangalan sa sa mga teleserye at tunog ayuda.Sa press conference nitong Biyernes, Mayo 16, 2025, iginiit ni Comelec Chairman George Erwin Garcia na kinakailangan daw magpalit ng pangalan ang mga party-list na magbabalik tumakbo sa Kamara sa susunod na taon.“We will no longer allow party-list...