Ibinahagi ng Pinoy pride at “The Voice USA” champion na si Sofronio Vasquez ang naitulong sa kaniya ng “It’s Showtime” matapos niyang mabigo sa “Tawag ng Tanghalan.”
Sa eksklusibong panayam ng ABS-CBN News nitong Lunes, Enero 6, sinabi ni Sofronio na kinuha raw siyang vocal coach sa naturang singing competition ng noontime show.
“Ang hindi po alam kasi ng nakararami, after po sa ‘Tawag ng Tanghalan,’ tinulungan po ako ng ‘Showtime’ na magkaroon ng ibang trabaho,” lahad ni Sofronio.
“Kumbaga sinabi ko na ‘I need work.’ So, kinuha nila ako as vocal coach. [...] Hindi naman po ako vocal coach with technical,” wika niya.
Barbie Forteza, magkakaroon ba ng pelikula; sinong leading man?
Dagdag pa ni Sofronio, “Ang sine-share ko lang po e experience. Kumbaga paano lumaban sa kaba, kung paano maging effective na makaka-connect sa tao.”
Matatandaang bago nagwagi sa “The Voice USA” ay naging finalist muna si Sofronio sa “Tawag ng Tanghalan” noong 2019.
MAKI-BALITA: Niligwak daw sa TNT: ABS-CBN, It's Showtime pinaratangang credit grabber dahil kay Sofronio
Kaya naman naiyak daw siya nang muling makabalik sa studio ng “It’s Showtime” dahil doon daw siya nagsimula at pinagkatiwalaan.
