Ikinalat umano ng mister ni Rufa Mae Quinto na si Trevor Magallanes ang screenshots ng private conversations nilang dalawa sa pamamagitan ng Instagram story.
Sa latest episode ng “Showbiz Updates” nitong Martes, Disyembre 10, hinimay-himay ni showbiz insider Ogie Diaz ang laman ng pag-uusap ng mag-asawa.
“Ang daming naawa dito kay Rufa Mae dahil sa panghihiyang ginawa ng non-showbiz husband nitong si Trevor Magallanes sa IG Stories nito sa trevsilog,” saad ni Ogie.
Dagdag pa niya, “Ini-story din nito ang mga screenshot ng convo nila ni Peachy [Rufa] kung saan ang dating sa karamihan ng netizen ay galit kay Rufa Mae ang asawa.”
Karanasan ni BJ Pascual kay Kristine Hermosa, naungkat dahil kay Denise Julia
Bukod dito, ibinahagi rin daw ni Trevor ang balita tungkol sa isinilbing warrant of arrest kay Rufa ng mga awtoridad. Sinubukan pa raw ng komedyante na makiusap sa mister na huwag maging “mean” sa kaniya ngunit tila mainit ang ulo nito.
Ayon kay Ogie, tila ang problema raw nina Rufa at Trevor ay maiuugat sa custody pagdating sa anak nilang si Athena.
“According to Trevor, for nine years daw ay laging ginagamit ni Peachy ang bata against him. Si Peachy naman ay nakikiusap na kailangan ni Athena ang ama nitong si Trev kaya sana ay mag-usap sila.”
Sa kasalukuyan, nasa Amerika pa rin daw si Rufa habang inaayos ng lawyer niya ang kasong isinampa sa kaniya tulad ng kay Neri Naig.
MAKI-BALITA: Rufa, nagsalita na; itinanggi ang kasong ibinibintang sa kaniya
