Muling umugong ang balita tungkol sa umano’y paglilibing ni dating One Direction member at British singer na si Liam Payne na pumanaw noong Oktubre 17, 2024 (araw sa Pilipinas) matapos mahulog sa ikatlong palapag ng isang hotel sa Argentina.
KAUGNAY NA BALITA: Liam Payne, pumanaw na
Ayon sa ulat ng ilang international media outlets, nakatakda umanong ihatid sa kaniyang huling hantungan si Liam sa hometown niya sa Wolverhampton sa Miyerkules, Nobyembre 20, 2024 (araw sa England).
Ilang British news reports din daw ang nagsasabing dadalo ang former bandmates ni Liam na sina Zayn Malik, Harry Styles, Louis Tomlinson at Niall Horan sa nasabing “closed door funeral ng yumaong singer.”
Robin Padilla, BGYO na-boo nga ba sa BINI concert?
Matatandaang nito lamang Nobyembre nang mapabalita nang payagan ng presecutor sa Argentina na maibalik sa United Kingdon ang labi ni Liam matapos itong sumailalim sa toxicology test at autopsy.
KAUGNAY NA BALITA: Mga labi ni Liam Payne, pinahintulutan nang maibyahe pabalik ng UK
Samantala, batay sa resulta ng autopsy ni Liam, kumpirmadong nagpositibo umano siya sa alcohol, cocaine at antidepressant substances na itinuturo ng mga awtoridad na may kinalaman daw sa pagkahulog ng singer sa naturang hotel na kaniyang tinuluyan noong sa Argentina.
Kate Garcia
