KOJC Cathedral, pasasabugin ng PNP 'pag hindi sinuko si Quiboloy-Balita

Binigyan umano ng ultimatum na dalawang oras ng Philippine National Police (PNP) ang mga miyembro ng Kingdom of Jesus Christ (KOJC) na ilabas at isuko si Pastor Apollo Quiboloy, bago nila pasabugin ang KOJC Cathedral na nasa loob ng KOJC compound sa Davao City, batay sa ulat ng DZAR SMNI Radio.

Nauna na umanong sinabi ng KOJC na matagal nang wala sa kanilang compound si Pastor Quiboloy, nang madiskubre nito ang planong "extraordinary rendition" ng Amerika laban sa kaniya.

Tuloy pa rin ang paghalughog ng awtoridad sa KOJC compound para mahanap si Quiboloy, ayon kay Department of the Interior and Local Government (DILG) Secretary Benjamin “Benhur” Abalos, Jr. nitong Martes, Agosto 27, kahit may inilabas na Temporary Protection Order si Davao City Regional Trial Court Branch 15 Presiding Judge Mario Duaves para sa pagtanggal ng iba't ibang uri ng "barricades, barriers or blockade" na pumipigil sa mga miyembro ng KOJC na makapasok sa compound.

“What the order stated is to remove all forms of barricades, barriers or blockade that bar the access to and from the subject compound and hinder petitioner’s religious and academic property rights and the pursuit thereof by its officers and members within the surrounding premises,” ani Abalos sa mga mamamahayag.

“But it did not specifically say that the police must stop the operation. This will continue and I guarantee that this operation to find Pastor Quiboloy will continue,” dagdag pa ni Abalos.

MAKI-BALITA: PNP, tuloy pa ring hahalughugin ang KOJC compound—Abalos

Matatandaang noong Sabado, Agosto 24, nang simulang pasukin ng nasa 2,000 Police (PNP) personnel ang compound ng KOJC upang isilbi ang arrest warrant ni Pastor Apollo Quiboloy at mga kapwa-akusado nito.

MAKI-BALITA: 2,000 pulis, hinalughog KOJC compound para kay Quiboloy

Samantala, sa isang press conference ay pinabulaanan ng PNP ang unang ulat ng DZAR SMNI Radio na bobombahin umano nila ang KOJC Cathedral, ayon kay P/Maj. Catherine dela Rey, PRO 11 Spokesperson.

"Isa na namang kasinungalingan ang pinapalabas ng KOJC, na bobombahin namin ang kanilang compound," ayon kay dela Rey.

"Kagaya ng kasinungalingan na sinasabi nila na pinutulan na namin sila ng tubig at kuryente. Eh kagabi, ang ganda-ganda ng ilaw ng KOJC compound. Kaya sa lahat ng mga mamamayan natin, huwag agad maniniwala sa mga ipinalalabas nilang kasinungalingan."

‘Immortal love?’ Enrile at misis nagdiwang ng 67th wedding anniversary

Binati ni Katrina Ponce Enrile ang kaniyang mga magulang na sina Presidential Legal Counsel Juan Ponce Enrile at dating ambassador Cristina Enrile na nagdiwang ng kanilang 67th wedding anniversary.Sa isang Facebook reel ni Katrina noong Miyerkules, Setyembre 18, 2024, ibinahagi niya ang sweet moments ng kaniyang mga magulang na may nakalagay na “happy anniversary.”FacebookMababasa rin sa...

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakataon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...