Trillanes kay ex-Pres. Duterte: 'Ungas!'

By Richard De Leon

August 26, 2024

In BALITA National

Malutong na "ungas" ang pinakawalan ni dating Sen. Antonio "Sonny" Trillanes IV kay dating Pangulong Rodrigo Duterte dahil sa lumabas na magkataliwas na pahayag niya hinggil sa warrant of arrest o pag-aresto sa isang nasasakdal.

Matatandaang pinalagan ni Duterte ang ginawang paglusob at paghalughog ng kapulisan sa Kingdom of Jesus Christ (KOJC) compound sa Davao City para dakpin ang founder nitong si "appointed Son of God" Pastor Apollo Quiboloy, na akusado sa patong-patong na kaso.

Nirepost ni Trillanes sa kaniyang X account ang isang quote card na mababasa umano ang pahayag ni Duterte noong 2017 na "If I have to arrest you without a warrant, I will arrest you without a warrant, with or without martial law."

Sinabi ito ng dating pangulo sa harapan ng media noong Hulyo 21, 2017 pagkatapos ng investment forum sa Davao City.

Ipinagkumpara ito sa bahagi ng opisyal na pahayag ni Digong sa pagkondena niya sa mga pulis na lumusob sa KOJC compound nito lamang Agosto 24, 2024.

"Our country has never been in a tragic state as it is. Rights have been trampled upon and our laws, derided," mababasa rito.

Caption ni Trillanes sa kaniyang X post, "Ungas!"

Maging si dating Senador Leila De Lima ay nag-react din sa panawagan ni Duterte patungkol dito.

"What is illegal about enforcing valid arrest warrants? At sa'yo pa talaga nanggaling ito? Kapal ng mukha! Bakit hindi ka na lang tumulong sa mga awtoridad?!" mababasa sa X post ng dating mambabatas.

MAKI-BALITA: De Lima sa pahayag ni ex-Pres. Duterte: 'Sa'yo pa talaga nanggaling ito, kapal ng mukha!'

Matatandaang si De Lima ay isa sa mga kritiko ni dating Pangulong Duterte, at kamakailan lamang ay nakalaya at naabsuwelto na siya sa mga kaso matapos masangkot sa ilegal na droga, sa panahon ng administrasyon ng dating pangulo.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...