LPA sa loob ng PAR, may posibilidad na maging bagyo -- PAGASA

By Mary Joy Salcedo

July 28, 2024

In BALITA National

Hindi inaalis ng Philippine Atmospheric, Geophysical and Astronomical Services Administration (PAGASA) ang posibilidad na maging bagyo ang binabantayan nitong low pressure area (LPA) sa loob ng Philippine area of responsibility (PAR).

Sa Public Weather Forecast ng PAGASA dakong 4:00 ng madaling araw nitong Linggo, Hulyo 28, iniulat ni Weather Specialist Grace Castañeda na huling namataan ang LPA 440 kilometro ang layo sa silangan ng Catarman, Northern Samar.

“Nananatiling mababa ang tsansa nito na maging bagyo ngunit hindi pa rin natin inaalis ‘yung possibility na sa mga susunod na araw ay ito ay ma-develop at maging isang ganap na bagyo,” ani Castañeda.

Sa kasalukuyan ay inaasahang magdudulot daw ang naturang LPA ng maulap na kalangitan na may mga kalat-kalat na pag-ulan at thunderstorms sa Eastern Visayas, Bicol Region, at Quezon.

Samantala, patuloy pa rin ang epekto ng southwest monsoon o habagat sa malaking bahagi ng bansa, kung saan inaasahan din itong magdadala ng maulap na kalangitan na may mga kalat-kalat na pag-ulan at thunderstorms sa Ilocos Region, Zambales, at Bataan.

Bukod dito, malaki ang tsansang makararanas ng medyo maulap hanggang sa maulap na kalangitan na may pulo-pulong mga pag-ulan o thunderstorms sa Metro Manila, Cavite, Laguna, Batangas, Occidental Mindoro, at Palawan bunsod din ng habagat.

Medyo maulap hanggang sa maulap na kalangitan na may pulo-pulong mga pag-ulan o thunderstorms din ang posibleng maranasan sa mga natitirang bahagi ng bansa dahil naman sa localized thunderstorms.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...